ივანე ჯავახიშვილის სახელობის თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის 2025 წლის ბიუჯეტის მუხლი - 2.2-ის საფუძველზე ვბრძანებ:
 

1. ჩატარდეს „მიზნობრივი სამეცნიერო-კვლევითი პროექტების“ კონკურსი;
2.  „მიზნობრივი სამეცნიერო-კვლევითი პროექტების“ განსახორციელებლად ფაკულტეტის 2025 წლის ბიუჯეტიდან გამოიყოს 40 000 ლარი
3. კონკურსის პირობები:

3.1. პროექტის თემატიკა უნდა შეესაბამებოდეს ფაკულტეტის  ძირითად  სასწავლო მიმართულებებს;

3.2. პროექტში მონაწილეობა შეუძლია  მხოლოდ ფაკულტეტის აკადემიურ პერსონალსა და სტუდენტს;

3.3. სავალდებულოა პროექტში  არანაკლებ 3 აქტიური სტატუსისა და არანაკლებ 2,5 GPA-ს მქონე სტუდენტის ჩართვა. პროექტში შესაძლებელია, ჩართული იყოს სამივე საგანმანათლებლო საფეხურის სტუდენტი.  ბაკალავრიატის სტუდენტს დაგროვებული უნდა ჰქონდეს 60 კრედიტი მაინც; ნებისმიერი საფეხურის დამამათავრებელი სემესტრის სტუდენტის პროექტში ჩართვა შესაძლებელია 1 აგვისტომდე. პროექტში ჩართული სტუდენტი, თუ ის პროექტის დაწყების ან მისი მიმდინარეობისას არ იქნება აქტიური სტატუსის მქონე, ჩანაცვლდება სხვა,  აქტიური სტატუსის მქონე სტუდენტით, რომელიც აკმაყოფილებს  ამავე მუხლში სტუდენტისთვის ჩამოყალიბებულ მოთხოვნებს.

3.4. კონკურსში მონაწილეობის მსურველმა პროექტის სავარაუდო ხელმძღვანელმა, თუ იგი იყო „მიზნობრივ სამეცნიერო-კვლევით პროექტებში“ 2023 წლის ჩათვლით  გამარჯვებული პროექტის ხელმძღვანელი, უნდა წარმოადგინოს გამარჯვებული პროექტის ფარგლებში გამოქვეყნებული სამეცნიერო სტატიის დამადასტურებელი დოკუმენტი (სტატიის ელექტრონული მისამართის სახით).

3.5. პროექტის ღირებულება არ უნდა აღემატებოდეს 13 000 ლარს;

4. კონკურსში მონაწილეობის მსურველებმა საპროექტო წინადადება უნდა წარმოადგინონ თანდართული მოთხოვნის მიხედვით (იხ. დანართი და შესავსები ბიუჯეტის ფორმა);

5. საკონკურსო პროექტების ბმულზე ატვირთვის ვადა: 2025 წლის 22 თებერვალი, 17:00 სთ.

6. გამარჯვებული პროექტები გამოცხადდეს 2025 წლის 10 მარტამდე.   

7. პროექტის მაქსიმალური ხანგრძლივობაა 2025 წლის 1 აპრილიდან -15 ნოემბრამდე;

8. პროექტის   მონაწილეთა ანაზღაურება განხორციელდეს ეტაპობრივად, პროექტის ხელმძღვანელის მიერ პროექტის ფარგლებში შესრულებული სამუშაოს წარდგენის შემდგომ;

9. დაფინანსებული სამეცნიერო-კვლევითი პროექტის მართვას ახორციელებს პროექტის ხელმძღვანელი, რომელიც ასევე პასუხისმგებელია  საბიუჯეტო თანხების მიზნობრივ ხარჯვაზე;

10. პროექტის დასრულებიდან 12 თვის განმავლობაში პროექტის ხელმძღვანელმა უნდა უზრუნველყოს საერთაშორისო რეცენზირებად ჟურნალში სამეცნიერო პუბლიკაციის წარდგენა;

11. პროექტის ფარგლებში გამოქვეყნებულ სამეცნიერო სტატიაში აღნიშნული უნდა იყოს, რომ ფინანსური მხარდაჭერა განხორციელდა თსუ-ის სოციალურ და პოლიტიკურ მეცნიერებათა ფაკულტეტის 2025 წლის „მიზნობრივი სამეცნიერო-კვლევითი პროექტის“  საგრანტო კონკურსის ფარგლებში.

12. პროექტების შერჩევას ახორციელებს  კომისია შემდეგი შემადგენლობით:

• სალომე დუნდუა - კომისიის   თავმჯდომარე,   ასოცირებული    პროფესორი, ფაკულტეტის დეკანი.
• თამარ დოლბაია - ხარისხის უზრუნველყოფის სამსახურის უფროსი, პროფესორი
• ზურაბ დავითაშვილი - პროფესორი,   საერთაშორისო  ურთიერთობების მიმართულება;
• რევაზ ჯორბენაძე -პროფესორი, ინტერდისციპლინური მიმართულება
• იაგო კაჭკაჭიშვილი -  პროფესორი, სოციოლოგიისა და სოციალური მუსაობის მიმართულება;
• მაია ტორაძე - ასოცირებული პროფესორი, ჟურნალისტიკისა და მასობრივი კომუნიკაციის  მიმართულება;
• თეა ვახანია -  ფაკულტეტის ფინანსური კონსულტანტი.

13.  სამეცნიერო - კვლევითი პროექტები შეფასდება შემდეგი კრიტერიუმებით:

• საკვლევი თემის აქტუალურობა და აკადემიური ლიტერატურის მიმოხილვა - 20 %
• სამეცნიერო-კვლევითი  პროექტის სამეცნიერო ღირებულება,  ინოვაციურობა და გავრცელება- 20 %
• კვლევის მეთოდოლოგია - 20 %
• ბიუჯეტი-20%
• აქტივობები,  მათი  განმახორციელებელი  პერსონალის კომპეტენციის გათვალისწინებით - 20%

14. გამარჯვებული სამეცნიერო-კვლევითი პროექტების მიმდინარეობისა და შედეგების მონიტორინგს ახორციელებს  ფაკულტეტის სამეცნიერო კვლევებისა და განვითარების სამსახური:

16. ფაკულტეტის დეკანის სამდივნომ უზრუნველყოს დაინტერესებულ პირთათვის ბრძანების გაცნობა და თვალსაჩინო ადგილზე განთავსება;

17. ბრძანება ძალაშია გამოცემისთანავე.